شرح عمل سوفت وير لجميع هواتف سامسونج بدون بوكس

 شرح عمل سوفت وير لجميع اجهزة سامسونج اندرويد

نبدا بشرح الدرس علي بركة الله تفصليا

الرومات السامسونج نوعين نوع ملف واحد ونوع 4 ملفات

النوع الاول : ملف واحد وده زي تحديث للجهاز مبيمسحش اي حاجه من علي الموبايل والافضل بعد التنزل انك تعمل فرومات للهاتف

النوع التاني : 4 ملفات ودي بيرجع الهاتف كالمصنع وبيمسح كل شي من علي الجهاز ومش متوفر لكل الاجهزه وده بنحتاجه لمشاكل كتير في اجهزة سامسونج ومنها المشكلة الشائعة وهي التوقف علي شعار سامسونج

ملحوظات هامة قبل البداء

•  اخذ نسخة احتياطية من جميع بيانات موبايل الصور.الرسائل.الاسماء.الفيديوهات…الخ  لاخذ نسخة احتياطية لهواتف سامسونج اندرويد من هنا
• اخذ نسخة احتياطيه من الروم شرح اخذ نسخة احتياطية من الروم لهواتف سامسونج اندرويد من هنـا
• تاكد من رقم الموديل خد بالك يعني الجراند مثلا GT-I9060, GT-I9060i, GT-I9060M

الادوات المطلوبة للعمل

1. طبعا الموبايل الا هنعمل ليه السوفت وير عندك
2. السوفت وير الروم لو ملف واحد حمل من الموقع ده موثق منه sammobile او updato  لو روم 4 ملفات انشاءالله هتلقي تيتانك فون لو مش موجود ابحث في جوجل لو مش موجود اتصل بنا عبر صفحة اتصل بنا
3. وصلة USB الافضل ان تكون اصلية عندك
4. برنامج الادوين وده المستخدم في تنزل السوفت وير للموبايل هتحمل من Odin3
5.  تعريفات سامسونج او برنامج kies واحد فقط يتم تثبتها تقدر تحمل من هنا kies او هنا USB_Driver

خطوات التطبيق

1.  يتم وضع الملفات علي سطح المكتب برنامج الادوين+الروم+العريفات لعدم حدوث اي مشكلة
2. تثبت التعريفات ثم برنامج kies الافضل انك ثتبت برنامج kies عشان تخد بيه نسخة احتياطة لملفاتك
3. هنفتح برنامج الادوين ونضيف ملفات
   -لو الروم ملف واحد هتفك الضغط الاول لو الملف مضغوط بعد كده تفتح البرنامج
   في خانة AP او PDA حسب الاصدار هتضيف الملف مثل الصورة التالي

   -لو الروم 4 ملفات هتفك الضغط لو الملف مضغوط بعد كده تفتح البرنامج
   وهضيف الملفات كالتالي :
   -في الخانة التي تحتوي علي كلمة pit نضع الملف الذي فيها كلمة pit او CSB
   -في الخانة التي تحتوي علي كلمة Bootloader أو BL نضع الملف الذي يحتوي علي كلمة Bootloaderأو BL
   -في الخانة التي تحتوي علي كلمة PDA أو AP نضع الملف الذي يحتوي علي CODE أو PDA أو AP الملف ده الاساسي الا ملف هو السيستم
   -في الخانة التي تحتوي علي كلمة PHONE) أو CP نضع فيه الملف الذي يحتوي علي كلمة MODEM أو PHONE أو CP الملف ده خاص بالشبكة
   -في الخانة التي تحتوي علي كلمة CSC نضع فيه الملف الذي يحتوي علي كلمة CSC الملف ده خاص باللغة

4.  دلوقتي هندخل وضع الدونلود مود في اغلب الاجهزه عشان تدخل وضع الدونلود مود بتضغط علي زر خفض الصوت+ زر الهوم + الباور في اجهزه تانيه بيدخل وضع الدونلود مود عن طريق زر خفض الصوت+زر رفع الصوت +الباور تمااام

5. بعد كده توصل اليو اس بي بالكمبيوتر و الموبايل وتضغط علي زر رفع الصوت الموبايل هيبدا يتعرف علي الموبايل وهيظهر رقم البورت في البرنامج

6.  بعد كده روح لبرنامج الادوين واضغط علي start هيبدا تنزل السوفت وير انتظر حين يتم الانتهاء

7.  بعد انتهاء الموبايل من تنزل السوفت هيفصل وهيشتغل لوحده وهيجي عند شعار سامسونج وهيوقف شويه انتظر قليلا وهيفتح لا تقلك..
8.  انزع الوصله وتباع التعليمات لتشغيل الموبايل والف مبروك

ده بعض الفيديو لعمل سوفت وير من قناة تيتانك فون

كيفية عمل سوفت وير لهواتف سامسونج بطريقة رسمية

شرح عمل سوفت وير كامل من 4 ملفات لموبايل Samsung Galaxy S Duos 2 GT-S7582

حل مشكلة توقف موبايل Samsung Galaxy GT-S5360 youngعلي شعار سامسونج بروم 4 ملفات

حل مشكلة توقف موبايل Samsung Galaxy Ace GT-S5830Iعلي شعار سامسونج بروم 4 ملفات

لاي استفسار من فضلك سيب تعليق اسفل الموضوع وهرد عليك

تيتانك فو لخدمات الهاتف المحمول